Kókshetaýda assambleıa músheleri kezekten tys saılaýǵa qoldaý bildirdi

KÓKShETAÝ. QazAqparat - Qazaqstan halqy Aqmola assambleıasy janyndaǵy oblystyq Qoǵamdyq kelisim keńesiniń músheleri QR Prezıdentiniń kezekten tys saılaýynyń ótýine qoldaý bildirdi, dep habarlaıdy QazAqparat tilshisi.

Qazaqstan halqy Aqmola assambleıasynyń janyndaǵy oblystyq Qoǵamdyq kelisim keńesiniń keńeıtilgen otyrysynda QR Prezıdentiniń kezekten tys ótetin saılaýy talqylanyp, biraz oı-pikirler aıtyldy.

«El Prezıdentiniń kezekten tys saılaýyn ótkizý týraly sheshim óte durys dep esepteımiz. Elimizge beıbitshilik pen túsinistikti, turaqtylyqty saqtaı otyryp, alǵa qadam jasaý kerek. Sonymen qatar, bul Úkimetke áleýmettik jaǵdaıdy taldaı otyryp, osyǵan deıin júzege asyrylǵan ıgi isterdi saralaıtyn jáne aldaǵy mindetterdi aıqyndaıtyn kezeń. Biz osyǵan deıin qazaqstandyqtarǵa tán jalpy ıdeologııalyq, mádenı, dástúrli qundylyqtardy qalyptastyrdyq jáne bul jumystardy odan ári jalǵastyra beretin bolamyz. Osy ýaqytta Qazaqstan ekonomıkasy nyǵaıyp, qýatty memleketke aınaldy. Degenmen, áli de kezek kúttirmeıtin máseleler bar. Prezıdentikke úmitkerler men Úkimet osy baǵytta jumys isteıdi dep senemiz. QR Prezıdentiniń kezekten tys saılaýy joǵary deńgeıde ótýi tıis. Barsha qazaqstandyqtardyń otbasyna bereke, baqyt tileımin. Elimizde bizdiń eń basty qundylyǵymyz beıbitshilik pen kelisim jasaı bersin!» - dedi «Aqmola oblystyq «Vaınah» sheshen-ıngýsh qoǵamy» qoǵamdyq birlestiginiń tóraǵasy, Qazaqstan halqy Aqmola assambleıasynyń janyndaǵy oblystyq Qoǵamdyq kelisim keńesiniń tóraǵasynyń orynbasary Gerıhan ıAndıev.

Aqan seri atyndaǵy mádenıet kolledjiniń dırektory Quralaı Ydrysovanyń pikirinshe, árbir adamnyń saılaýǵa baryp óz tańdaýyn jasaýy - paryzy.

Onyń sózinshe, kolledj ujymy QR Prezıdentiniń kezekten tys saılaýy ótýin biraýyzdan qoldap otyr.

«Bizdiń basty mindetimiz - Táýelsizdik alǵan ýaqyttyń ishinde jasalǵan ıgi isterdi saqtap qana qoımaı, odan ári damytý. Sondyqtan, Elbasynyń áleýmettik bastamalarynyń odan ári júzege asyrylýyna atsalysýymyz kerek. Kezekten tys prezıdent saılaýyn osy baǵyttaǵy alǵashqy qadam dep sanaýymyz qajet», - tolyqtyrdy Quralaı Ydyrysova.

Sonymen qatar, jıynda «Chývash etnomádenı birlestigi» qoǵamdyq birlestiginiń tóraǵasy Elena Maşınskaıa óz pikirin bildirdi.

Jalpy, jıynǵa qatysýshylardyń barlyǵy 2019 jyldyń 9 maýsymynda ótetin QR Prezıdentiniń saılaýyna baryp, óz tańdaýyn jasaıtyndyqtaryn aıtty.