Kókshetaýda arzan azyq-túlik taýarlarynyń jármeńkesi ótip jatyr
«Táýelsizdik» alańynda uıymdastyrylǵan jármeńkede óńirdiń 100-den astam kásiporyndary jalpy somasy 91,5 mıllıon teńgege 84 tonna ónim usynýda.
«Qala turǵyndary men qonaqtary jergilikti óndirýshilerdiń 50-den astam azyq-túlik ataýlaryn, qala boıynsha ortasha baǵadan 10-15 paıyzǵa tómen baǵamen satyp alýǵa múmkindigi bar. Onyń ishinde et jáne shujyq ónimderi, jańa pisken balyq, jumyrtqa, sút jáne sút ónimderi, un, kartop, kókónister jáne taǵy basqalar bar», - dedi oblystyq kásipkerlik jáne ónerkásip basqarmasynyń baspasóz qyzmetinnen.
«Kokshe» áleýmettik kásipkerlik koorporatsııasy» aktsıonerlik qoǵamy óńirlik turaqtandyrý qorynyń ónimderi - qant, múıiz, un, kúrish, qaraqumyq jarmasy jáne kúnbaǵys maıy tirkelgen tómendetilgen baǵamen usynylǵan.
Sonymen birge, aýyl sharýashylyǵy ónimderinen basqa jemis aǵashtary men kóshetteri, otyn, pishen jáne astyq qaldyqtary satylymǵa shyǵaryldy.
