Kókshetaýda Arys turǵyndary úshin kómek qabyldaıtyn pýnkt ashyldy

KÓKShETAÝ. QazAqparat - Aqmola óńirlik kásipkerler keńesi Arys turǵyndary úshin 5 mıllıon teńge aqsha jınady, dep habarlaıdy QazAqparat tilshisi óńirlik kásipkerler palatasyna silteme jasap.

«Jaqynda óńirlik keńes tóraǵasy, oblystyq máslıhat depýtaty Ásen Jaqsylyqov arystyqtarǵa qarjy jınaý jóninde Aqmola oblysynyń bıznes qaýymdastyǵy ókilderine úndeý joldaǵan edi. Іzgilik isin úndeý kótergen óńirlik keńes músheleri birinshi bolyp bastaǵanyn atap ótý qajet. Olar alǵashqy kúnniń ózinde 5 mıllıon teńge qarjyny arnaıy esep-shotqa aýdardy.

Sondaı-aq, Aqmola oblystyq kásipkerler Palatasynyń barlyq qyzmetkerleri ózderiniń bir kúndik eńbek aqysyn aýdarýǵa sheshim qabyldady. Buǵan qosa, oblystyq Palata janynan gýmanıtarlyq jáne materıaldyq kómek jınaý qory ashyldy. Munda zardap shekkender úshin kıim-keshek, dári-dármek, azyq-túlik, taǵy basqa zattar qabyldanady», deıdi óńirlik kásipkerler palatasynyń baspasóz hatshysy Ásel Muhamed-Rahym.

Vedomstvonyń málimetinshe, palata janynan Arys qalasynyń qarý-jaraq qoımasyndaǵy jarylystan zardap shekken turǵyndarǵa gýmanıtarlyq jáne materıaldyq kómek qabyldaıtyn pýnkt ashyldy. Barlyq týyndaǵan máseleler boıynsha tómendegi mekenjaıǵa habarlasýǵa bolady: Kókshetaý qalasy, Abaı kóshesi, «Grınvıch» bıznes ortalyǵy, telefondar 8(716 2) 722-536, 7-707-748-88-94.

Sonymen birge «Atameken» respýblıkalyq kásipkerler Palatasynda da qarjy jınaý beketi ashylǵanyn eske sala ketkimiz keledi. Barlyq qarjy «Meniń Atamekenim» qoǵamdyq birlestigi ashqan resmı ese shotqa aýdarylady. Qordyń rekvızıti:

010000. Nur-Sultan qalasy, Esil aýdany, Syǵanaq kóshesi, 25 úı.

BIN180540015308

IIKKZ759470398991370112

BIKALFAKZKA

v AO DB «Alfa-Bank»