Kókshetaýda apattan qalanyń jartysyna jýyǵy sýsyz otyr
KÓKShETAÝ. KAZINFORM – Kókshetaýda káriz júıesindegi apattyń saldarynan qalanyń birqatar shaǵynaýdandary sýsyz qaldy.
"Kókshetaý Sý Arnasy» kommýnaldyq kásiporny sáýirdiń 4-de tańerteń «Kóktem» shaǵynaýdanynyń turǵyndary ýaqytsha sýdan ajyratylatynyn eskertken bolatyn.
Keıin Saryarqa, Tsentralnyı, Vasılkovskıı, Kóktem shaǵyn aýdandarynda, Abylaı han dańǵylynda sý bolmaıtyny habarlandy.
«Kókshetaý Sý Arnasy» kommýnaldyq kásipornynyń málimetinshe, qalanyń birqatar shaǵynaýdandary káriz nasos stantsııasyndaǵy (KNS-7) apatty jaǵdaıǵa baılanysty sýdan ajyratylǵan.
Apattyń qashan joıylatyny belgisiz, tek sáýirdiń 5-de tańerteń eki saǵat ýaqytsha sý jiberý kózdelgen.
«Kókshetaý Sý Arnasy» 5 sáýir saǵat 07:00-den 09:00-ge deıin Saryarqa, Tsentralnyı, Vasılkovskıı, Kóktem shaǵynaýdandarynda, Abylaı han dańǵylyna sý berý qalpyna keletinin habarlaıdy. Apatty jaǵdaıǵa qatysty saǵat 09:00-den bastap jóndeý jumysyn jalǵastyrý úshin atalmysh shaǵynaýdandar sýdan qaıta ajyratylady» delingen kommýnaldyq qyzmettiń habarlamasynda.
Eske salaıyq, Kókshetaýda temirjol saıajaıyn sý basyp qaldy.