Kókshetaýda anasymen renjisip qalǵan oqýshy asylyp qaldy
KÓKShETAÝ. QazAqparat - Kókshetaýda 17 jastaǵy mektep oqýshy óz-ózine qol saldy, dep habarlaıdy QazAqparat tilshisi.
Aqmola oblystyq Іshki ister departamenti baspasóz qyzmetiniń deregi boıynsha, qaıǵyly oqıǵa naýryzdyń 9-ynan 10-yna qaraǵan túni bolǵan. Balanyń asylyp turǵan denesin ákesi qaraýsyz qalǵan garajdan taýyp alǵan.
«11 synyp oqýshysy tolyq otbasynda tárbıelengen. Bir baýyry bar. Balanyń sabaq úlgerimi jaqsy bolǵan, sabaqtan da beısaýat qalmaǵan. Mektepte ótkiziletin sharalarǵa belsendi qatysyp turǵan jáne qaýipti top retinde esh jerde esepke alynbaǵan», - dep atap ótti Kókshetaý qalalyq bilim bóliminen.
Polıtseılerdiń málimetinshe, sýıtsıd jasóspirim men ata-ana arasyndaǵy túsinispeýshilikten jasalǵan bolýy múmkin. Anasynyń aıtýynsha, ol sol kúni balasyna smartfon bermeı qoıǵan. Buǵan ashýlanǵan bala úıinen ketip qalǵan.
«Jasóspirimniń sýıtsıdke barýyna ata-anasymen aradaǵy túsinispeýshilik sebep bolýy múmkin», - dep qorytyndylady ІІD baspasóz qyzmetinen.
