Kókshetaýda alkogol ónimderin shyǵaratyn jalǵan tseh anyqtaldy
KÓKShETAÝ. QazAqparat – Kókshetaýda alkogol ónimderin shyǵaratyn jalǵan tseh anyqtalyp, 200 lıtr spırt tárkilendi, dep habarlaıdy QazAqparat tilshisi.
Aqmola oblystyq Polıtsııa departamenti baspasóz qyzmetiniń málimetinshe, 15 tamyzda Kókshetaý qalasynyń Gogol kóshesinde er adamnyń alkogol ónimderin zańsyz satýmen aınalysatyny týraly aqparat túsken.
«Polıtsııa qyzmetkerleri 16 tamyzda aıtylǵan mekenjaıda alkogol ónimderin quıý tsehyn anyqtady. Jerasty tsehyn oblys ortalyǵynyń 50 jastaǵy turǵyny uıymdastyrǵan. Tsehty tekserý barysynda polıtsııa 200 lıtr etıl spırtin, 40 blok kontrafak temeki ónimin jáne alkogol quıýǵa arnalǵan arnaıy ydystardy tapty», - dedi vedomstvodan.
Tárkilengen suıyq úlgileri saraptamaǵa, sondaı-aq tutynýshylar densaýlyǵyna qaýiptiligin anyqtaý turǵysynan zertteýge jiberildi. Materıal Memlekettik kirister basqarmasyna joldandy.
