Kókshetaýda alkogol ónimderin satqan dúken ıeleri jaýapqa tartyldy
KÓKShETAÝ. QazAqparat - Bıylǵy jyldyń basynan beri Kókshetaý qalasyndaǵy kóńil kóterý oryndarynda 6 qylmys tirkelgen, dep habarlaıdy QazAqparat tilshisi Aqmola oblysynyń ІІD baspasóz qyzmetine silteme jasap.
Vedomstvonyń deregi boıynsha, kóńil kóterý oryndarynda qylmysty aldyna alý úshin demalys jəne mereke kúnderi polıtsııanyń jaıaý patrýldik narıady qylmys pen quqyqbuzýshylyqtar jıi oryn alatyn aýmaqtarda baqylaý júrgizedi.
"Búgingi tańda, Kókshetaý qalasynda túngi ýaqytta jumys isteıtin 16 kóńil kóterý nysany tirkelgen. Statıstıkalyq derekterge qaraǵanda, 2018 jyly «999» dısko klýbta 24 qylmys, (13 bireýdiń múlkin urlaý, 2 tonaý, 6 buzaqylyq jəne 3 ózge de quqyqbuzýshylyqtar), «Astorııa» kóńil kóterý kesheninde 12 qylmys (10 urlyq jəne 2 buzaqylyq), «Almaty» dəmhanasynda 12 qylmys (7 urlyq jəne 5 buzaqylyq), «Evrazııa» kóńil kóterý kesheninde 10 qylmys (1 tonaý, 3 buzaqylyq jəne 6 urlyq), «Dorojnık» dəmhanasynda 9 qylmys (5 buzaqylyq, 3 urlyq, 1 tonaý), «Jaqsy» dəmhanasynda 7 qylmys (4 buzaqylyq, 1 urlyq, 1 tonaý, 1 bireýdiń densaýlyǵyna zııan keltirý), «Angar» kóńil kóterý kesheninde 6 qylmys (3 buzaqylyq, 2 urlyq, 1 bireýdiń densaýlyǵyna zııan keltirý)» jasalǵan», - dep málim etti vedomstvodan.
Bıylǵy jyldyń qańtar aıynda tərtip saqshylary "RockBar", "Ýzbechka" "The Tower Pub", "Edem", "Mıata-Bar" jəne "VIP Lounge Bar" tárizdi kóńil kóterý oryndarynda 6 qylmysty tirkedi.
"Sonymen qatar, polıtseıler túngi kóńil kóterý oryndarynyń qyzmetkerleri tarapynan qylmys jəne quqyqbuzýshylyqtyń oryn alǵanyn anyqtady. Məselen, 2018 jyldyń qarasha aıynda esirtki qylmysymen kúres boıynsha bólimsheniń qyzmetkerleri jumys ornynda esirtkige masaıǵan túngi klýbtyń qyzmetkerin ustady", - dep túsindirdi vedomstvodan.
Polıtseıler bul oqıǵaǵa baılanysty jastardyń kóńil kóteretin oryndarynda esirtki taratylatynyna negiz bar dep otyr.
"Tərtip saqshylaryn túngi saǵat 23:00-den keıin dúkenderde alkogoldik ónimderdi satý oqıǵasynyń oryn alatyny alańdatady. Qazirgi kezde, Kókshetaý qalasynda túngi ýaqytta jumys isteıtin 12 dúken tirkelgen. Olardyń barlyǵy polıtsııanyń baqylaýynda. Alaıda, soǵan qaramastan zań buzýshylyqtar jıi oryn alady. Kókshetaý qalasynyń əkimshilik sotymen 4 dúken («Aıan», «Əlem», «Eko» ı «Syra quıý») alkogoldik ónimder satý lıtsenzııasynan aıyrylsa, 33 dúkenniń alkogoldik ónimderdi saqtaý jəne satý boıynsha lıtsenzııasy toqtatylyp, əkimshilik aıyppul salyndy", dep tolyqtyrdy vedomstvodan.
