Kókshetaýda alkogoldik ónimderin shyǵaratyn jasyryn tseh anyqtaldy

KÓKShETAÝ. QazAqparat - Kókshetaýda bir jyldan astam ýaqyt boıy alkogol ónimderin shyǵaryp kelgen jasyryn tseh anyqtaldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, 16 mamyrda Aqmola oblysynyń PD Jedel krımınaldy polıtsııa basqarmasynyń qyzmetkerlerine Kókshetaý qalasyndaǵy Hasenov bazary aýmaǵynda er adamnyń alkogol ónimderin zańsyz satýmen aınalysatyny týraly jasyryn aqparat tústi.

«Jedel-izdestirý sharalary barysynda mamyrdyń 17-de saǵat 09:00-de Kókshetaý qalasynyń «Borovskoı» shaǵynaýdany Hasenov bazary aýmaǵyndaǵy garajdardyń biriniń jer tólesinde alkogoldik ónimderdi quıýmen aınalysyp júrgen Kókshetaý qalasynyń 33 jastaǵy turǵyny ustaldy», - dedi vedomstvodan.

Anyqtalǵandaı, jasyryn tsehtan 600 lıtr suıyqtyq, 300 lıtr araq jáne 300 lıtr taza spırt tárkilendi. Er adam bul ispen bir jyldan astam ýaqyt aınalysyp kelgen. Іs materıaldary Kókshetaý qalasynyń Memlekettik kirister basqarmasyna joldandy.