Kókshetaýda «Alǵys marshrýty» jolaýshylardy tegin tasymaldady
KÓKShETAÝ. QazAqparat - Alǵys aıtý kúni Kókshetaýda «Alǵys marshrýty» shaǵyn avtobýsy jolaýshylardy tegin tasymaldady, dep habarlaıdy QazAqparat tilshisi.
Aqmola oblysy jastar resýrstyq ortalyǵynyń uıymdastyrýymen ótken «Alǵys marshrýty» aktsııasy tańǵy saǵat 09:00-den 14:00-ge deıin jalǵasty. Aktsııa kezinde qalaishilik №110 marshrýty boıynsha júretin «Gazel» shaǵyn avtobýsy túrli-tústi sharlar jáne quttyqtaý paraqshalarymen bezendirildi.
«Aktsııa barysynda ortalyq qyzmetkerleri jolaýshylardy quttyqtaý sózderimen qarsy alyp, bul kúnniń tarıhyna sholý jasap, vıktorınalyq suraqtar qoıdy jáne syılyqtar taratty. Jolaýshylar tegin tasymaldandy», - deıdi ortalyq mamany Danııar Daıyrov.
Turǵyndarda qarap qalmady. Merekelik kóńil kúı syılaǵan jastardy, jalpy qazaqstandyqtardy Alǵys aıtý kúnimen quttyqtap, rızashylyqtaryn bildirdi.
