Kókshetaýda alǵashqy Adaldyq klýby ashyldy
Sybaılas jemqorlyqqa qarsy mádenıetti qalyptastyrý sheńberinde qolǵa alynǵan sharaǵa Aqmola oblysy boıynsha Sybaılas jemqorlyqqa qarsy is-qımyl departamenti basshysynyń birinshi orynbasary Arman Berdalın, qalalyq mádenıet jáne tilderdi damytý bóliminiń basshysy Aıgúl Sábıtova, sondaı-aq mádenıet salasynyń qyzmetkerleri qatysty.
«QR Konstıtýtsııasynyń 25 jyldyǵyn merekeleý sheńberinde departamenttiń bastamasymen Kókshetaý qalasynyń Mádenıet jáne tilderdi damytý bólimimen birlesip Adaldyq klýby quryldy. Ondaǵy basty maqsat qoǵamnyń, ásirese óskeleń urpaqtyń boıynda adaldyq, parasattylyq, ádildik, patrıotızm sııaqty qundylyqtardy qalyptastyrý», - deıdi Arman Berdalın.
Sondaı-aq, Departament basshylyǵy atalǵan klýbtyń bazasynda sybaılas jemqorlyqqa qarsy mádenıetti qalyptastyrý boıynsha óńirlik Aqparattyq-aǵartýshy shtabtyń túsindirý kezdesýleri men sóz sóıleýlerin ótkizetinin atap ótti.
Shara barysynda adamgershilik qasıetter men rýhanı – ónegelik qundylyqtardy tárbıeleýge baǵyttalǵan «Arym meniń-Ata zań» beınematerıaly kórsetilip, «Rýhanı asqaq Ata zań» atty kitap kórmesi uıymdastyryldy. Kórmede memleket jáne quqyq tarıhy, demokratııaly Qazaqstannyń qalyptasýy týraly ádebıetter, QR Konstıtýtsııasy men zańdarynyń jınaqtary, ǵylymı konferentsııa materıaldary usynyldy.