Kókshetaýda áleýmettik nysandardyń karantın rejımin buzǵany anyqtaldy
KÓKShETAÝ. QazAqparat – Kókshetaý qalalyq ákimdigi, qalalyq taýarlar jáne kórsetiletin qyzmetterdiń sapasy men qaýipsizdigin baqylaý basqarmasy, qalalyq PB jáne «Atameken» ulttyq kásipkerler palatasynyń jergilikti fılıaly qyzmetkerlerinen qurylǵan 6 mobıldik top oblys ortalyǵynda karantındik sharalardy saqtaý boıynsha reıd ótkizdi, dep habarlaıdy QazAqparat tilshisi.
Kókshetaý qalalyq taýarlar jáne kórsetiletin qyzmetterdiń sapasy men qaýipsizdigin baqylaý basqarmasy basshysy Qanat Ysqaqovtyń aıtýynsha, maýsymnyń 8-9 kúnderin qamtyǵan reıd kezinde monıtorıngilik top qoǵamdyq tamaqtaný, qyzmet kórsetý, mádenıet, týrızm nysandary, sondaı-aq, azyq-túlik jáne azyq-túlik emes taýarlardy satatyn dúkender, qoǵamdyq kólikterde jumys algorıtmin túsindirdi.
«Aktsııa kezinde 802 qaýly men jumys algorıtmi tapsyryldy. Jalpy, shara barysynda 88 nysanda zańbuzýshylyq anyqtaldy. Onyń 57-si azyq-túlik jáne azyq-túlik emes taýarlardy satatyn dúkenderdiń úlesinde. Atap aıtqanda, áleýmettik araqashyqtyqtyń saqtalmaýy, kóterme jáne bólshek saýda oryndarynda dúkenshiler men tutynýshylardyń maska taqpaýy, sanıtaızer men dezbarerlerdiń joqtyǵy, qoǵamdyq tamaqtaný oryndarynda otbasylyq merekelik sharalary ótkizý, as berý, keste boıynsha tazalaý, qyzmetkerlerge termometrııa júrgizý sııaqty karantındik talaptardyń oryndalmaǵany anyqtaldy», - deıdi Qanat Ysqaqov.
Vedomstvodan atap ótkendeı, maýsymnyń 9-ynda júrgizilgen reıd kezinde de birqatar zańbuzýshylyqtarǵa jol berilgeni anyqtaldy. Máselen, «Bedduin», «Caffein» kofehanalary men «Pınta» grıl barynda personaldarǵa medıtsınalyq baqylaý júgizilmegen, kúnine 3 ret termometrmen tekserip, jaǵdaılaryn surap, qaǵazǵa jáne elektrondy nusqada tirkemegeni anyqtaldy. Sonymen birge, qyzmetkerlerdiń maskasyz júrgeni, bolǵannyń ózinde ony durys taqpaǵany belgili boldy. Dezınfektsııa quraly jetkiliksiz kólemde bolyp, bólmeni dızenfektsııalaý jumystary tıimdi ári keste boıynsha júrgizilmegeni belgili boldy.
«Anyqtalǵan barlyq zańbuzýshylyqtar boıynsha kásipkerlerge QR ÁQbK 462-babynyń 3-bóligi boıynsha ákimshilik hattama toltyryldy. Ákimshilik shara qoldaný úshin is materıaldary Kókshetaý qalalyq mamandandyrylǵan ákimshilik sotyna joldanatyn bolady. Bul baǵytta jumystar odan ári jalǵasa beredi», - dep tolyqtyrdy Qanat Ysqaqov.
