Kókshetaýda alaıaqtyq jasaǵan zańger isti boldy
KÓKShETAÝ. QazAqparat - Kókshetaýda jábirlenýshiniń zań bilmeıtinin paıdalanǵan zańger alaıaqtyq jolmen 124 000 teńge aqshasyn ıemdenip alǵan, dep habarlaıdy QazAqparat tilshisi Aqmola oblystyq ІІD baspasóz qyzmetine silteme jasap.
Polıtseılerdiń deregi boıynsha, aǵymdaǵy jyldyń qazan aıynda Kókshetaý qalasynyń turǵynyna qatysty jergilikti 2 áıelden aryz tústi. Aryzdanýshylardyń aıtýynsha, kúdikti alaıaqtyq jolmen olardyń 124 000 teńge aqshasyn ıemdenip alǵan.
«Er adam ózin qorǵaýshy retinde tanystyryp, sotta álgi áıelderdiń múddesin qorǵaımyn dep ýáde bergen. Kelisimshart jasap, zańgerlik kómek úshin áıelder oǵan 124 myń teńge kóleminde aqsha tóledi. Keıin belgili bolǵandaı, er adam qorǵaýshy emes, zańger bolyp shyqty. Onyń qorǵaýshylyq qyzmetpen aınalysýǵa quqyǵy joq eken», - dep túsindirdi vedomstvodan.
Osylaısha, zardap shegýshiler aqshany qaıtarý týraly talabyna qulaq aspaǵan kúdiktiniń ústinen polıtsııaǵa aryz túsirgen.
«Qazirgi kezde kúdiktiniń ústinen QR QK 190-babynyń 1-bóligi («Alaıaqtyq») boıynsha is qozǵalyp, sotqa deıingi tergeý amaldary júrip jatyr», - dep tolyqtyrdy vedomstvodan.
