Kókshetaýda ákimshilik qamaýǵa alynǵan adamdardyń ýlanyp ólýine baılanysty is qozǵaldy
KÓKShETAÝ. QazAqparat - Kókshetaýda qabyldaý ornalastyrý ornynda ákimshilik qamaýǵa alynǵan adamdardyń ýlanyp ólýine baılanysty is qozǵaldy, dep habarlaıdy QazAqparat tilshisi.
Aıta keteıik, áleýmettik jelide Kókshetaý qalasyndaǵy qabyldaý-ornalastyrý ornynda ákimshilik qamaýǵa alynǵan 6 adamnyń ýlaný belgisimen qalalyq aýrhanaǵa túskeni, keıin onyń úsheýi kóz jumǵandyǵy týraly aqparat taraǵan bolatyn. Jelidegi málimetterge qaraǵanda kóz jumǵan adamdardyń jasy 32-41 aralyǵynda. Osyndaı oqıǵanyń bolǵanyn QazAqparat tilshisine Polıtsııa departamentiniń qyzmetkerleri rastap, qylmystyq is qozǵalǵanyn atap ótti.
«Qazirgi kezde osy oqıǵaǵa baılanysty QR QK 304 babynyń 3 bóligi (sanıtarlyq jáne gıgıenalyq normalardy buzý) boıynsha is qozǵalyp tergeý amaldary júrgizilýde. Sondaı-aq, sot-medıtsınalyq saraptama taǵaıyndaldy»,- dep aıtty PD baspasóz qyzmetindegiler QazAqparat tilshisiniń saýalyna.
