Kókshetaýda ákimshilik ǵımarat órtenip bir adam ajal qushty
KÓKShETAÝ. QazAqparat - Kókshetaýda eki qabatty ákimshilik ǵımaraty órtke oranyp, bir adam ajal qushty, dep habarlaıdy «QazAqparat» HAA tilshisi aımaqtyq TJD-nyń baspasóz qyzmetine silteme jasap.
TJD málimeti boıynsha órt búgin tańǵy saǵat 09:37-lerde Áýezov kóshesiniń boıyndaǵy № 208 eki qabatty ákimshilik ǵımaratta oryn alǵan. Atalǵan ǵımaratta birneshe mekemelerdiń keńsesi ornalasqan.
«Tilsiz jaýdy aýyzdyqtaýǵa TJD jeke quramynan 34 adam jáne 11 arnaıy órt sóndirý tehnıkasy jumyldyryldy. Órt ǵımarattyń 125 sharshy metr aýmaǵyn sharpydy. Oqıǵa ornynan atalǵan ǵımaratty jalǵa alǵan mekemelerdiń biriniń jumysshysynyń máıiti tabyldy. Qazirgi kezde, onyń aty-jóni men órttiń sebep saldary anyqtalýda», dep kórsetilgen habarlamada.
