Kókshetaýda Aqan serige bıýst ashyldy
KÓKShETAÝ. QazAqparat - Alashtyń asyp týǵan aqtańgeri Aqan serige Kókshetaýda bıýst ashyldy, dep habarlaıdy QazAqparat tilshisi.
Aqan seri atyndaǵy mádenıet kolledjiniń aldynda ornatylǵan bıýstiń ashylýy saltanatynda Kókshetaý qalasy ákiminiń orynbasary Altynaı Ámirenova quttyqtaý sóz sóıledi.
«Qazaqtyń án ónerinde Aqan seriniń orny erekshe. Onyń esimi halqymyzdyń janynda máńgi saqtalǵan», - dedi Altynaı Ámirenova.
Músinniń avtory - kókshetaýlyq qolóner sheberi Rınat Ábenov.
Igi sharada kolledj stýdentteri Aqan seriniń ómirinen bir úzik syr shertetin qoıylym usyndy. Sondaı-aq, arqanyń asqaq ánshisi Qajybaı Jahın ánnen shashýyn arnady.
