Kókshetaýda adasyp qalǵan 3 jasar balanyń ata-anasy tabyldy
KÓKShETAÝ. QazAqparat - Kókshetaýda adasyp qalǵan 3 jasar balanyń ata-anasy tabyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, mamyrdyń 15-de Aqmola oblysynyń mamandandyrylǵan kúzet qyzmeti basqarmasy polıtsııa starshınasy Almat Jantasov «Kóktem» shaǵynaýdanyndaǵy turǵyn úı aýlasynda jylap turǵan 3 jas shamasyndaǵy ul balany baıqap qalǵan. Belgili bolǵandaı, bala adasyp qalǵan jáne ata-anasynyń esimin ǵana biledi. 102-ge jedel habarlasqanda, onda eshkimnen bala joǵalǵany týraly aqparat túspegeni anyqtaldy. Sol sebepti polıtsııa qyzmetkeri ózi izdeýge kirisken.
Ol baladan surastyra kele ákesiniń shar ilingen lımýzıni bar ekenin bildi. Saltanatty shara ótkizý boıynsha qyzmet kórsetetin kompanııaǵa habarlasqan Almat olarǵa Azamat esimdi lımýzın júrgizýshisi tanys ekenin anyqtady.
«Tártip saqshylary málimetterdi jınastyra kele shynymen de olardyń Alınýr esimdi uly joǵalǵanyn jáne ata-anasy ózderi izdep jatqanyna kóz jetkizedi. Keıin belgili bolǵandaı, bala ata-anasymen birge Vasılkovskıı shaǵynaýdanyndaǵy týystaryna qonaqqa kelgen. Úı aýlasyna oınaýǵa shyqqan búldirshin adasyp ketken eken. Tabylǵan bala ata-anasyna qolyna tapsyryldy. Ata-anasy bolsa balalaryn taýyp bergen polıtsııa qyzmetkeri Almatqa alǵys bildirdi», - deıdi vedomstvonyń baspasóz qyzmeti.
