Kókshetaýda polıtseıler aǵzasyn satpaqshy bolǵan kúdiktini qolǵa túsirdi
KÓKShETAÝ. KAZINFORM - Kókshetaýda polıtsııa qyzmetkerleri adam aǵzasyn satýdyń jolyn kesti.
Polisia.kz saıtynyń málimetinshe, qazaqstandyq óziniń búıregin 18 myń AQSh dollaryna baǵalap, kezdeısoq satyp alýshyǵa ınternet arqyly saýdalaýǵa tyrysqan. Avtor jeli qoldanýshylaryna óz múshesin satýdy usyndy, al alý operatsııasy týraly barlyq kelisimdi qabyldaýshy uıymdastyrýy kerek edi.
Tanymal áleýmettik jelidegi erekshe habarlandyrýǵa Aqmola oblysynyń PD uıymdasqan qylmysqa qarsy kúres basqarmasynyń qyzmetkerleri nazar aýdaryp, donormen baılanysqa shyqty.
Birneshe apta boıy polıtseıler arnaıy jedel-izdestirý is-sharalaryn júrgizdi. Nátıjesinde transplantatsııa jasaý jáne aqsha qarajatyn berý týraly mámile jasaldy.
Kókshetaý qalasynda UQQKB qyzmetkerleri, aqsha berý kezinde kúdiktini ustady. Alǵashqy tergeý áreketteri aıasynda polıtseıler er adamnyń Aqtóbe qalasynyń týmasy, biraq elordada turatynyn anyqtady.
Qatysýshynyń ózi mundaı sharasyz qadam úshin ol oıynǵa táýeldilikten jınaqtalǵan kóptegen qaryzyna baılanysty sheshim qabyldaǵanyn túsindiredi. Bul derek boıynsha tergeý júrgizilip jatyr.
Aıta ketsek, Aqmola oblysynda 26 jyl izdeýde bolǵan qylmysker ustalǵan edi.
