Kókshetaýda Abylaı hannyń 300 jyldyǵy atalyp ótiledi - M. Tájın

ASTANA. 25 qyrkúıek. QazAqparat - Kókshetaýda Abylaı hannyń 300 jyldyǵy atalyp ótiledi. Búgin Aqordada Ulttyq tarıhty zerdeleý jónindegi vedomstvoaralyq jumys tobynyń 3-otyrysynda Memlekettik hatshy Marat Tájın osylaı málim etti.

«5-6 qazanda Abylaı hannyń úsh júz jyldyq toıy Kókshetaýda ótetin bolady. Aıtýly oqıǵaǵa qatysýǵa nıet bildirgen Ulttyq komıssııanyń barlyq músheleri tizimge engizildi. Tarıh kafedralary basshylarynyń barlyǵyn qamtydyq dep oılaımyn», - dedi Memlekettik hatshy jıyn barysynda.

Sonymen qatar, M. Tájın 25 qazanda Tóle bıdiń mereıtoıy Taraz qalasynda atap ótiletinin jetkizdi. «Tóle bıge arnap, Taraz qalasynda eskertkish ashylady»», - dedi Tájın.