Kókshetaýda Abaıǵa arnalǵan ádebı ortalyq ashyldy
Ádebı ortalyq Kókshetaý qalalyq kitaphanasynan oryn teýip otyr. Bul shyǵarmashylyq ıdeıanyń júzege asýyna Kókshetaý qalalyq mádenıet jáne tilderdi damytý bólimi qoldaý bildirgen.
Bólim basshysy Aıgúl Sábıtovanyń aıtýynsha, ádebı ortalyq jastardyń Abaıdyń shyǵarmashylyǵyn zerttep, nasıhattaýyna septigin tıgizbek.
Shara Abaıdyń «Men bir jumbaq adammyn» óleńimen bastaldy. Ony aqyn Muhamed Qonqaev mánerlep oqyp berdi.
«Ortalyqtaǵy kitap kórmesi 3 bóliminen turady. Birinshi bólim «Abaıdyń dúnıetanymy» dep atalady. Onda Abaıdyń balalyq shaǵyndaǵy ádebı kitaptar men uly ǵalymdardyń uly sózderin oqýǵa bolady.
Al ekinshi bólimi «Júregimniń túbine tereń boıla» dep atalady. ıAǵnı, Abaıdyń shyǵarmalary men sheshendik sózderine arnalǵan.
Úshinshi - «Abaı murasy máńgilik» bóliminde abaıtanýshylar men zertteýshilerdiń aqyn týraly jazǵan shyǵarmalarymen jáne eńbekterimen tanysýǵa bolady», - deıdi Aıgúl Sábıtova.
Ortalyqtyń ashylýyna jergilikti zııaly qaýym jáne qoǵam qaıratkerleri, Kókshetaýdaǵy joǵary oqý oryndarynyń oqytýshylary men abaıtanýshylar qatysty.
Shara jas aqyndardyń Abaı shyǵarmalaryn mánerlep oqýymen aıaqtaldy.
