Kókshetaýda «A day in Burabay» biregeı fotoalbomynyń tusaýkeseri ótti
Oblystyq ákimdikte ótken atalmysh fotoalbomnyń tanystyrylymynda aımaq basshysynyń orynbasary Qanat Ydyrysov QR Tuńǵysh Prezıdenti - Elbasy Qorynyń basshylyǵyna oblys ákimi atynan alǵysyn bildirdi.
«Qazirgi kezde, Aqmola oblysy ákimdigimen Býrabaı kýrortyna jyl boıyna barý úshin «Four Seasons» tujyrymdamasy júzege asyrylýda. Atalmysh fotoalbom kýrortty aımaqqa týrısterdi ǵana emes, sheteldik, otandyq ınvestorlardy tartýǵa da septigin tıgizedi», dedi Qanat Ydyrysov.
Al QR Tuńǵysh Prezıdenti - Elbasy Qory atqarýshy dırektorynyń keńesshisi Əlııa Qaısharova óz sózinde: «Biz bul fotoalbomdy Býrabaıdyń biregeı tabıǵı ereksheligin əlemge kórsetý úshin shyǵarýdy uıǵardyq. Memleket basshysy osy óńirde bolǵan kezde onyń sulýlyǵyna ərdaıym tań qalady. Býrabaı óńiri Abylaı hanmen baılanysty uly tarıhqa ıe. Osy óńirge baılanysty kóptegen ańyzdar da bar. Jańa fotoalbom qazaqstandyqtardyń jəne sheteldik týrısterdiń nazaryn Qazaqstannyń injý-marjanyna aýdara alady degen senimdemiz», dep atap ótti.
Qor ókiliniń aıtýynsha,osy fotoalbomnyń negizinde Astananyń 20 jyldyǵyna arnalǵan «A day in Astana» jəne «Astana - Uly dalanyń jaýhary» fotoalbomy daıyndaldy. Kórme-tanystyrý sharasy Məskeýde, Sankt-Peterbýrgte, Madrıdte, Almaty men Astana qalalarynda ótti. Taıaý kúnderi kórmeni Taraz qalasynyń turǵyndary da tamashalaı alady.
Aqmola oblysy ákimdigi men QR Tuńǵysh Prezıdenti - Elbasy Qory arasynda 2017 jyldyń 26 mamyrynda jasalǵan áriptestik týraly memorandýmǵa sáıkes óńirde mádenı-qoǵamdyq jáne áleýmettik baǵytta aýqymdy sharalar qolǵa alynǵan. Məselen, Aqmola oblysyndaǵy balalar «Kóshbasshy joly», sondaı-aq alǵashqy balalar paralımpıadasy sııaqty qor jobalaryna qatysýda. Ardagerlerge qoldaý kórsetýge baǵyttalǵan əleýmettik sharalar jyl saıyn Qazaqstannyń ərtúrli óńirlerinde, sonyń ishinde Aqmola oblysynda da ótkizilip turady.
Bıyl Býrabaıda transshekaralyq yntymaqtastyq, IT jəne nanotehnologııalardy damytý boıynsha BURABAY FORUM II Halyqaralyq Jas ǵalymdar forýmy ótedi. «Rýhanı jańǵyrý» baǵdarlamasynyń aıasynda QR Tuńǵysh Prezıdenti Qory Qazaqstannyń qasıetti jerleri týraly əńgimeleıtin «Qazaq quest» Internet habarlamasy, Astana men Býrabaıǵa arnalǵan fotoalbomdar, «Astana - Uly dalanyń jaýhary» sııaqty jobalardy iske asyrdy. Taıaýda əleýmettik jelilerde qordyń «Qonaqjai Elim» Internet-jobasynyń birinshi epızody shyqty. Onda Qazaqstannyń kópultty halqy týraly baıandalady. Joba barsha qaýymdy Qazaqstanda beıbit ómir súrip jatqan ərtúrli ulttardyń dəstúri, ədet-ǵurpy jəne turmysymen tanystyrady. Buǵan qosa, elimizdiń výnderkınd balalary jəne qazaqstandyq qaharmandary týraly «Wunder Qazaqstan» jəne «Qaharman Qazaq» Internet-jobalary əzirlenýde.
