Kókshetaýda 98 mıllıon teńgeniń azyq-túlik ónimi saýdaǵa shyǵaryldy
Kókshetaýda uıymdastyrylǵan aýyl sharýashylyǵy taýarlarynyń jərmeńkesinde 98 mıllıonǵa jýyq teńgeniń 90 tonna azyq-túlik ónimi saýdaǵa shyǵaryldy, dep habarlaıdy QazAqparat tilshisi.
Oblys ortalyǵyndaǵy Táýelsizdik alańynda uıymdastyrylǵan bul jolǵy jərmeńkege Aqkól, Atbasar, Býrabaı, Bulandy, Zerendi, Birjan sal, Sandyqtaý, Shortandy aýdandarynyń jáne Kókshetaý qalasynyń, sondaı-aq «KOKЅNE» ÁKK UK» aktsıonerlik qoǵamynyń aýyl sharýashylyǵy taýar óndirýshileri qatysty.
«Jármeńkege barlyǵy 98 mıllıon teńgege 90 tonnadan astam ónim ákelindi. Onyń ishinde 30 tonnadan astam et, 1 tonnaǵa jýyq balyq, 250 myńǵa jýyq jumyrtqa, 10 tonnadan astam sút jáne sút ónimderi bar», - dedi oblystyq Aýyl sharýashylyǵy jáne jer qatynastary basqarmasy basshysynyń orynbasary Erkesh Álenov.
Jármeńke barysynda qala turǵyndary men qonaqtaryna jergilikti óndirýshilerdiń 40-tan astam azyq-túlik túri, onyń ishinde et, un, sút ónimderi men balyq, jumyrtqa, qant, kúnbaǵys maıy naryq baǵasynan 15-20 paıyzǵa arzan usynyldy.
Aıta keteıik, budan buryn Aqmola oblysynda azyq-túlik baǵasynyń ósý sebepteri týraly jazǵan edik.
