Kókshetaýda 90 jastaǵy turǵyndy kólik qaǵyp ketti
KÓKShETAÝ. QazAqparat – Kókshetaýda joldyń ruqsat etilmegen tusynan ótken 90 jastaǵy turǵyndy kólik qaǵyp ketti. Ol alǵan jaraqatynan kóz jumdy. Bul týraly QazAqparat tilshisi Aqmola oblystyq PD baspasóz qyzmetine silteme jasap habarlaıdy.
Vedomstvonyń málimetinshe, maýsymnyń 10-da Kókshetaý qalalyq PB kezekshilik bólimine Áýezov kóshesiniń «Ánel» dúkeniniń tusynda jol-kólik oqıǵasy oryn alǵany týraly habar tústi.
«Belgili bolǵandaı, sol kúni keshki saǵat 22:57 shamasynda «Vaz-2107» kóliginiń 22 jastaǵy júrgizýshisi joldyń ruqsat etilmegen tusynan ótpek bolǵan 90 jastaǵy turǵyndy qaǵyp ketken. Er adam túrli dene jaraqatymen aýrýhananyń jansaqtaý bólimshesine jatqyzylǵanymen, alǵan jaraqattan kóz jumdy», - deıdi vedomstvodan.
PD baspasóz qyzmetindegiler atap ótkendeı, qazirgi kezde, osy oqıǵaǵa baılanysty QR QK 345-babynyń 3 bóligi (kólik quraldaryn basqarýshy, tulǵanyń jol qozǵalysy jáne kólik quraldaryn paıdalaný erejesin buzý, abaısyzda adam ólimine ákelip soqtyrý) boıynsha sotqa deıingi tergeý amaldary júrgizilýde.
Aıta keteıik, 4 maýsymnan bastap Aqmola oblysy aýmaǵynda júrgizilgen «Qaýipsiz jol» aldyn alý sharasy barysynda jaıaý júrginshiler tarapynan jol qozǵalysy erjesiniń 448 ret buzylǵandyǵy anyqtaldy.
