Kókshetaýda 90 páterli turǵyn úı paıdalanýǵa berildi

KÓKShETAÝ. QazAqparat - Táýelsizdik merekesi qarsańynda Kókshetaýda 90 páterli jańa turǵyn úı paıdalanýǵa berildi, dep habarlaıdy QazAqparat tilshisi.

Borovskoı shaǵyn aýdanynda ótken saltanatty sharaǵa aımaq basshysy Málik Myrzalın qatysyp, shańyraq ıelerin qýanyshtarymen quttyqtady. Aımaq basshysy osynaý ıgi isti Elbasy Nursultan Nazarbaevtyń tapsyrmasyna sáıkes, jergilikti bıliktiń qoldaýymen júzege asyrylyp otyrǵanyn erekshe atap ótti.

«Búgingi kúni páterli bolý kez kelgen adamnyń armany. Jyldan-jylǵa kórkeıip kele jatqan oblys ortalyǵynda búgingideı jańa kóp qabatty úıler kóptep boı kóterip, qonys toıyn toılaıtyn turǵyndar qatarynyń kóbeıe túsetindigine senim mol. Bıylǵy jyldyń ózinde Kókshetaý qalasy boıynsha barlyǵy 170 myń sharshy metr turǵyn úı paıdalanýǵa berilip, 1700 adam baspanaly boldy», - dedi M.Myrzalın quttyqtaý sózinde.

Jylý ótkizbeıtin panelden salynǵan 90 páterli turǵyn úıdiń qurylysyn «Regıon stroı» JShS júzege asyrǵan. Qurylys kompanııasynyń basshysy Aleksandr Dvortsevoıdyń aıtýynsha, qurylys materıaldardyń barlyǵy jerilikti ónimder. Jobanyń quny 908 mıllıon teńge bolsa, onyń 530 mıllıon teńgesi nesıege alynǵan da, qalǵan 378 mıllıon teńgesi seriktestiktik óz qaltasynan salǵan. Baspanaly bolǵandardyń basym bóligi «Nurly jer» jáne «7-20-25» baǵdarlamasyna qatysýshylar.