Jańbyr, burshaq, ózenderde sý deńgeıi kóteriledi: almatylyqtarǵa eskertý jarııalandy

ALMATY. KAZINFORM – Almatyda nóser jańbyr men burshaq jaýady. Qalanyń tótenshe jaǵdaılar departamenti turǵyndarǵa eskertý jasady.

«Qazgıdromettiń» eskertýine sáıkes, 29 – 30 tamyzda Almatyda nóser jaýyn men burshaq jaýady. Ózen – kólderde sý deńgeıi kóteriledi. Sonymen qatar sý basýy múmkin», - delingen habarlamada.

Jel - soltústik-batystan soltústik-shyǵys baǵytyna aýysyp, naızaǵaı kezinde jel ekpini sekýndyna 15 metrge jetedi.

Osy oraıda qutqarýshylar qala turǵyndary men qonaqtaryn Іle Alataýy taýlaryna shyqpaýǵa shaqyrdy.

Buǵan deıin «Qazgıdromet» RMK el aýmaǵynda 28 tamyzda bolatyn qaýipti meteorologııalyq qubylystarǵa boljam jasaǵan bolatyn.