Kókshetaýda 80 jastaǵy keıýana órtten kóz jumdy

KÓKShETAÝ. QazAqparat - Kókshetaýda órt kezinde 80 jastaǵy zeınetker kóz jumdy, dep habarlaıdy QazAqparat tilshisi.

Aqmola oblystyq TJD baspasóz qyzmetiniń málimetinshe, bıylǵy maýsymnyń 10-da saǵat 11:56 shamasynda jedel basqarý ortalyǵyna Ábilqasymov kóshesindegi jeke turǵyn úıden órt shyqqany habarlandy.

«Órtti sóndirýge TJD jeke quramynan 28 adam jáne 4 tehnıka shaqyryldy. Saǵat 12:33 kezinde órt aýyzdyqtalyp, 13:18-de sóndirildi. Qyzyl jalyn 135 sharshy metr aýmaqty sharpydy. Órtti sóndirý kezinde 1942 jyly týǵan áıel adamnyń denesi tabyldy. Qazirgi kezde órttiń shyǵý sebebi anyqtalyp jatyr. Sot-medıtsınalyq jáne órt-tehnıkalyq saraptama taǵaıyndaldy», - dedi vedomstvodan.

Aıta ketsek, budan buryn Aqmola oblysynda benzınnen ýlanǵan 14 jasar bala kóz jumǵan bolatyn.