Kókshetaýda 8 jasar qyz qaıyrymdy jandardyń arqasynda obyrdy jeńdi
2016 jyldyń səýir aıynda dərigerler Janel Beısenovaǵa mıelodısplastıkalyq sındrom (MDS) dıagnozyn qoıǵan. Refrakterlik anemııa, ıaǵnı temir preparattarymen jáne vıtamındermen emdeýge kelmeıtin qan aýrýy. Sol sátten bastap Beısenovter otbasynda qıyn kúnder týdy, kishkentaı Janeldiń ómiri úshin kúres bastaldy. Otandyq dərigerler ony syrqatynan aıyqtyrýǵa dərmensiz bolady. Astanadaǵy Ana men bala ortalyǵyndaǵy emdeý sharalary esh nətıje bermegen. Sol kezde qarshadaı qyzdy shetelde jasalatyn jilik maıyn aýystyrý otasy ǵana qutqara alatyny aıtylady. Osyǵan oraı, onyń Túrkııadaǵy «Medical Park» emhanasynda emdelýine memleket tarapynan kvota bólinedi. Alaıda, emdelý tegin bolǵanymen shetelge baratyn jolaqysy, otadan keıingi ońaltý sharalaryna qosymsha qarajat qajet edi. Osy kezde muqtaj otbasyna Qazaqstan halqy Aqmola Assambleıasy kómek qolyn sozǵan.
«Qazaqstan halqy Aqmola Assambleıasy janyndaǵy Analar keńesi uıymdastyrǵan qaıyrymdylyq aktsııasynyń arqasynda Janel Beısenovanyń ata-anasyna qajetti qarajat jınaldy. Kishkentaı Janeldiń basyna túsken qıyndyqqa beıjaı qaramaı, «Shyn júrekten» aktsııasyna oblystyq, qalalyq, aýdandyq memlekettik qurylymdardyń jáne jeke uıymdardyń, etnomádenı birlestikterdiń basshylary, qala turǵyndary qatysty», - deıdi Aqmola oblysy ákiminiń janyndaǵy «Qoǵamdyq kelisim» mekemesiniń qyzmetkeri Baqyt Muhamedrahymova-Tasova.
«Jarty jylǵa jýyq ýaqyttan keıin kúıeýime Aqmola Assambleıasynan habarlasyp, aktsııa ótkizilgenin jáne úsh balaǵa 1 mln 200 myń teńge aqsha jınalǵanyn aıtty. Bizge tapsyrylǵan 400 myńnan astam teńge vızany resimdeýge jetti. Jilik maıyn shuǵyl túrde aýystyrý operatsııasy Janeldiń ákesinen jasaldy. Kúıeýim de jolǵa qarajatty áreń tapty. Oǵan meshitte kómektesti», - dep eske aldy Aınagúl.
2016 jyly 22 jeltoqsanda Túrkııanyń «Medical Park» emhanasynda kúrdeli ota sətti jasalady. Búgingi tańda, Janeldiń densaýlyǵy jaqsaryp, bar qıyn kúnder artta qaldy. Ol ata-anasymen úsh aıda bir ret Astanadaǵy Ana men bala ortalyǵynyń onkologııa bólimine analızder tapsyryp turady. Sonymen qatar, Janel úıde bilim alý arqyly ekinshi synyptyń baǵdarlamasyn meńgerýde.
«Negizgi qıyndyqtar artta qaldy degen senim basym. Osynshama synaqtan ótkenimizge keıde tipti sený qıyn. Aqmola Assambleıasyna, bizderge kómek qolyn sozǵan jáne áli de qoldaý bildirip otyrǵan jandardyń barshasyna aıtar alǵysym sheksiz. Sizderdiń qoldaýlaryńyzdyń arqasynda biz múmkin emes jaǵdaıǵa qol jetkizdik. Aýyr naýqasty jeńdik!», - deıdi Janeldiń anasy.
Aıta keterligi, Beısenovtar otbasynyń turǵylyqty baspanalary joq, jaldamaly páterde turady. Biraq, úı ıeleri - Jomart pen Aınagúl ekeýiniń rýhtary myqty.
Jaqynda «Sarqyt» aılyǵy sheńberinde Aqmola oblysyndaǵy Analar keńesiniń tóraıymy Zere Qıyqova bastaǵan Qazaqstan halqy Aqmola Assambleıasynyń bir top múshesi Beısenovtar otbasynda bolyp, Janelge, onyń jetinshi synypta oqıtyn aǵasy Temirlanǵa jáne eki jasar qaryndasy Narǵyzǵa syılyqtar úlestirdi.
