Kókshetaýda 8 mektep karantınge jabyldy
KÓKShETAÝ. QazAqparat - Kókshetaý qalasynda 8 mektep koronovırýske baılanysty karantınge jabyldy, dep habarlaıdy QazAqparat tilshisi.
Kókshetaý qalasynyń bas memlekettik sanıtarlyq dárigeri Qanat Ysqaqovtyń aıtýynsha, epıdemıologııalyq jaǵdaıdyń turaqsyzdyǵyna baılanysty mektepterde koronavırýs juqtyrýdyń bir jaǵdaıy tirkelse, mekeme eki aptalyq karantınge kóshiriledi.
«Qala mektepterinde koronavırýs ınfektsııasynyń taralýyna jol bermeýdiń shralary qolǵa alynýda. Osyndaı maqsatta beısenbi-jumada kúnderi qaladaǵy 8 mektep karantınge jabyldy. Bul OM №2, 18, 3, 12, 8, №2 Krasnoıar orta mektebi, «Mega intellectual» jeke mektebi jáne «Bilim-Innovatsııa» lıtseıi», - dep atap ótti Q.Ysqaqov.
Ázirge, Kókshetaý mektepterinde koronavırýs ınfektsııasynyń jappaıy taralýy tirkelgen joq. Máselen, №2 Krasnoıar orta mektebiniń tehpersonaly aýyryp qaldy, sáıkesinshe, onyń baılanys sheńberi úlken.
«Bilim-Innovatsııa» lıtseıinde kire beristegi temperatýrany ólshegen vahter juqtyrdy. ıAǵnı, mektepke kirgen adamdardyń barlyǵy onymen baılanysta bolǵandar», - dedi Q.Ysqaqov.
Sol sebepti, koronavırýs ınfektsııasynyń ár jaǵdaıy egjeı-tegjeıli qarastyrylady.
«Birden jospardan tys tekseristi qolǵa alyp, barlyǵyn tekserip shyǵamyz. Úshinshi jáne 12-shi kúnderi jaqyn baılanysta bolǵandardan polemarazdy tizbek reaktsııasy boıynsha test alynady», - dep túıindedi Q.Ysqaqov.
