Kókshetaýda 79 jastaǵy qarııa órtten qutqaryldy
KÓKShETAÝ. QazAqparat – Kókshetaýda órtenip jatqan úıden 79 jastaǵy qarııa qutqaryldy, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, órt M. ıAnko 35 mekenjaıy boıynsha ornalasqan jeke turǵyn úıde bolǵan. Órt sóndirýshiler kelgenshe úıde bolǵan 79 jastaǵy ári ekinshi toptaǵy múgedek qarııany kórshisi syrtqa alyp shyqqan. Abyroı bolǵanda kórshisiniń ózi órt sóndirýshi bolyp qyzmet isteıdi.
«Men kórshi aýmaqta janyp jatqan úıdi kórdim. Birden 101-ge qońyraý shalyp kómek shaqyryp, ózim úıdiń terezesinen ishine endim. Káýgerler úıde adam baryn jáne qaı bólmede ekenin aıtty. Nátıjesinde qarııany jatyn bólmeden dalaǵa alyp shyǵyp, jedel járdem qyzmetine tapsyrdym», - deıdi Kókshetaý qalalyq №11 órt sóndirý bólimi bastyǵynyń orynbasary Janat Mýsın.
Vedomstvodan atap ótkendeı, órt 86 sharshy metr aýmaqty sharpydy. Tilsiz jaýdy aýyzdyqtaýǵa órt sóndirý qyzmetiniń jeke quramynan 16 adam jumyldyryldy. Qazirgi kezde, órttiń shyǵý sebepteri men keltirilgen materıaldyq shyǵyn kólemi eseptelýde.
