Kókshetaýda 75 keli pırotehnıkalyq ónimder tərkilendi
KÓKShETAÝ. QazAqparat - Kókshetaýda 75 keli pırotehnıkalyq ónimder tərkilendi , dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Polıtseılerdiń málimeti boıynsha, aǵymdaǵy jyldyń 12 jeltoqsanynan bastap, 2017 jyldyń 5 qańtary aralyǵynda oblys aýmaǵynda «Pırotehnıka» arnaıy operatsııasy júrgizilýde. Sharanyń maqsaty - pırotehnıka ónimderin qoldaný kezinde týyndaıtyn tótenshe jaǵdaılardy aldyn alý bolyp tabylady.
«Polıtseıler kúndelikti zańsyz, ruqsat qujattary joq pırotehnıkalyq ónimderdi satýmen aınalysatyndardy anyqtap, jolyn kesý maqsatynda reıdter uıymdastyrýda. Bazar, saýda oryndaryna sertıfıkatsyz ónimderdi jetkizip berýshilerdi anyqtaý sharalary júzege asyrylyp jatyr.
Oǵan qosa, polıtsııa qyzmetkerleri kámelettik jasqa tolmaǵan balalardyń pırotehnıkalyq ónimderden zardap shekpeýine erekshe kóńil bólýde», - deıdi əkimshilik polıtsııa basqarmasynyń basshysy, polıtsııa polkovnıgi Aslan Qazbıkenov.
Arnaıy reıd barysynda Kókshetaýda 75 keli pırotehnıkalyq ónimder tárkilenip, QR ƏQbK 196-baby boıynsha 3 əkimshilik iz qozǵaldy. Atalǵan sanktsııa boıynsha aıyptylarǵa 25 AEK kólemine deıin aıyppul salynýy múmkin.
