Kókshetaýda 66 aqmolalyq batyrdyń esimderi jazylǵan «Jeńis lentasy» úlestirildi

KÓKShETAÝ. QazAqparat - Ekinshi dúnıejúzilik soǵystaǵy Jeńistiń 72 jyldyǵyna oraı Kókshetaýda aqmolalyq batyrlardyń esimderi jazylǵan «Jeńis lentasyn» úlestirý aktsııasy ótti, dep habarlaıdy «QazAqparat» HAA tilshisi oblys ákiminiń baspasóz qyzmetine silteme jasap.

Jeńis sımvoly kók tústi jibek matadan daıyndalǵan. Ulttyq oıýmen kómkerilgen lentanyń eki shetinde soǵys kezinde Qazaqstan halqynyń erlik pen batyldyqtyń jarqyn úlgisin kórsetkenin bildiretin ordendender beınelengen.

Lentada Keńes odaǵynyń Batyrlary Talǵat Bıgeldınov, Saǵadat Nurmaǵambetov, Məlik Ǵabdýllın, Halyq Qaharmany Raqymjan Qoshqarbaev tərizdi aqmolalyq erlerdiń esimderi jazylǵan.

Aktsııa barysynda belsendiler jurtshylyqqa «Jeńis lentasyn» úlestirdi.

 

Merekelik shara saltanatty mınıngten bastaldy. Sondaı-aq, soǵys jyldaryndaǵy retro kólikter men «Məńgilik polktiń» qalanyń ortalyq kóshelerimen merekelik sherýine jalǵasty. Oǵan qosa sharaǵa jınalǵan qala turǵyndary sheıit bolǵan maıdangerlerdiń qurmetine «Məńgilik alaýǵa» gúl destelerin qoıyp, bir mınýt únsizdikpen eske aldy.

«Máńgilik esten ketpes otty jyldar!» teatrlandyrylǵan kórinisi qoıylyp, soǵys ardagerleri men tyl eńbekkerlerine əskerı ashana uıymdastyryldy.

Eske sala keteıik, Ekinshi dúnıejúzilik soǵys jyldary Aqmola oblysynan barlyǵy 89867 adam maıdanǵa alynǵan. Onyń ishinde 37167 adam qaıtyp oralmaǵan. Osy kúni oblysta 115 ardager turyp jatyr.