Kókshetaýda 58 jastaǵy turǵyn jetinshi qabattan qulap mert boldy

KÓKShETAÝ. QazAqparat – Kókshetaýda 58 jastaǵy er adam jetinshi qabattaǵy páterdiń terezesinen qulap mert boldy, dep habarlaıdy QazAqparat tilshisi.

Aqmola oblystyq polıtsııa departamentiniń baspasóz qyzmeti qaıǵyly oqıǵanyń bolǵanyn rastady.

«Iá, búgin tústen osyndaı keleńsiz jaǵdaı oryn aldy. 1964 jyly týǵan er adam jetinshi qabattaǵy óz páteriniń terezesinen qulap, sol jerde kóz jumdy», - dedi vedomstvodan.

Aıta keteıik, buǵan deıin Aqmola oblysynda júk kóliginen qulaǵan er adamdy artqy dońǵalaq janshyp ketken bolatyn.