Kókshetaýda 500-ge jýyq adam «Baspaldaq» jarysyna qatysty
KÓKShETAÝ. QazAqparat - Kókshetaýda 23-shi dástúrli oblystyq «Baspaldaq» baspaldaqpen júgirý jarysy ótti, dep habarlaıdy QazAqparat tilshisi Aqmola oblysynyń dene shynyqtyrý jáne sport basqarmasyna silteme jasap.
Jyl saıyn dástúrli túrde uıymdastyrylyp otyratyn jarysqa salaýatty ómir saltyn ustanǵan áýesqoılar men kásibı sportshylardan quralǵan 500-ge jýyq adam qatysty.
Jarys erejesi boıynsha qatysýshylar Abaı kóshesiniń boıyndaǵy Týtuǵyrdan bastap, Buqpa taýynyń ústine deıin 700-den metr joldy júgirip ótti. Baspaldaqpen taýǵa órmelep, júgirgender arasynda kishkentaı balalarmen birge qarııalar da boldy.
Jeńimpazdar jas erekshelikterine qaraı aqshalaı syılyq jáne arnaıy dıplomdarmen marapattaldy.
«Jalpy, osyndaı buqaralyq sport túrin jıi uıymdastyryp turǵan abzal. Jurtpen birge júgirip qana qoımaısyń, taza aýa jutyp, sergip qalasyn», - deıdi Kókshetaý qalasynyń turǵyny Abzal Qurmashev.
Aıta keteıik, «Baspaldaq» júgirý jarysy alǵash ret 1991 jyly uıymdastyrylǵan. Ýaqyt óte eskerýsiz qalsa, 2006 jyldan bastap Aqmola oblysy dene shynyqtyrý jáne sport basqarmasynyń bastamasymen jyl saıyn ótkiziletin boldy. Al, 2009 jyldan beri «Baspaldaq» halyqaralyq marafondar qatysýshysy, QR sport qaıratkeri Ibragım Tıaǵalıevtiń qurmetine arnalyp uıymdastyrylyp keledi.
