Kókshetaýda 432 shólmek alkogol tárkilendi
KÓKShETAÝ. QazAqparat – Kókshetaýda zańsyz saýdaǵa qoıylǵan 432 shólmek alkogol ónimi tárkilendi, dep habarlaıdy QazAqparat tilshisi Aqmola oblystyq memlekettik kirister departamentiniń baspasóz qyzmetine silteme jasap.
Vedomstvonyń málimetinshe, 2019 jylǵy 3-shi qazanynda Aqmola oblystyq memlekettik kirister departamentiniń qyzmetkerleri Kókshetaý qalasyndaǵy Táshenov kóshesiniń boıynda ornalasqan saýda núktesine tekseris júrgizdi.
«Tekseris qorytyndysy boıynsha jeke kásipkerge tıesili saýda núktesinen alkogoldik ónimge esep baqylaý markasyz jáne eshqandaı jóneltpe qujaty joq plastık ydystaǵy 432 shólmek alkogol ónimi, onyń ishinde 195 shólmekke quıylǵan 124,5 lıtr quramynda spırti bar suıyqtyq, 237 shólmekke quıylǵan 129,85 lıtr belgisiz alkogol ónimi tabyldy. Zańsyz ónimder tárkilendi. Osyǵan baılanysty jeke kásipkerdiń ústinen ákimshilik is qozǵalyp, materıaldar Kókshetaý qalasynyń ákimshilik sotyna joldandy», deıdi vedomstvodan.
