Kókshetaýda 40-tan astam qańǵybas əleýmettik beıimdeý ortalyǵyna qabyldandy
KÓKShETAÝ. QazAqparat-Kókshetaýda 43 qańǵybas əleýmettik beıimdeý ornyna qabyldandy, dep habarlaıdy QazAqparat tilshisi.
Óńirlik kommýnıkatsııalar qyzmetiniń málimeti boıynsha 2018 jyldyń 21-22 qańtary kúnderi əleýmettik patrýldiń mobıldi qyzmeti men jergilikti polıtsııa qyzmeti birlesip júrgizgen reıd kezinde turaqty mekenjaıy joq adamdar anyqtalyp, Kókshetaý qalasynyń ІІB Əleýmettik beıimdeý ortalyǵyna jetkizildi.
2018 jyldyń 21 qańtarynda beıimdeý ortalyǵynyń túngi bólimshesine 21 adam, 22 qańtarynda 29 adam qabyldandy. Qazirgi kezde, oblys aýmaǵyndaǵy aýa raıy jaǵdaıyna baılanysty əleýmettik beıimdeý ortalyǵy táýlik boıy jumys isteýde.
Ortalyq 100 adamǵa arnalǵan. Onyń ishinde 50 oryn kúndizgi, 50 oryn túngi bólimshede. Oǵan qosymsha taǵy 50 kereýet daıyndaldy.
Kúnniń kúrt sýytýyna baılanysty qańǵybastar kúnine 3 ret ystyq taǵam, jatatyn oryn, alǵashqy medıtsınalyq kómek, kıim jəne sanıtarlyq-turmystyq qyzmettermen qamtamasyz etilgen.
Qoldanystaǵy standarttarǵa sáıkes qys aılarynda qańǵybastar ortalyqta keshki saǵat 18:00-den tańǵy 10:00-ge deıin qabyldanady. Densaýlyǵyna baılanysty qozǵala almaıtyndar bolsa, olarǵa medıtsınalyq kómek kórsetiledi. Saýyǵyp ketkenshe ortalyqtan syrtqa shyǵarylmaıdy. Eń bastysy ortalyqtan pana taýyp otyrǵan qańǵybastarǵa alkogoldik ishimdik ishýge tıym salynǵan.
