Kókshetaýda 40 mıllıon teńge salynǵan seıfti urlaǵandar ustaldy
KÓKShETAÝ. QazAqparat - Kókshetaý qalasy turǵynynyń 40 mıllıon teńgesi bar seıfin urlaǵan qylmystyq top ustaldy, dep habarlaıdy QazAqparat tilshisi.
Polıtsııa departamenti habarlaǵandaı, bıylǵy jylǵy 22 qańtarda kókshetaýlyq turǵyn polıtsııaǵa aryzdanǵan. Onyń páterine belgisiz bireýler kiltti tańdaý arqyly kirip, 40 mıllıon teńge salynǵan seıfin alyp ketken.
«Jedel is-sharalar barysynda buryn sottalǵandar arasynda kúdikti adamdar anyqtaldy. 31 qańtarda kúdiktiler ustaldy. Úsh adamnan turatyn qylmystyq topta buryn sottalǵan Kókshetaý qalasynyń eki adam, sondaı-aq, kórshi oblystyń bir turǵyny bar. Kúdiktilerden zattaı aıǵaqtar retinde 10 mıllıon teńge somasynda aqsha alyndy. Urlanǵan aqshanyń qalǵan somasyn anyqtaý boıynsha odan ári jedel tergeý is-sharalary júrgizilýde. Sonymen birge, kúdiktilerdiń osyǵan uqsas ózge de qylmystarǵa qatysy bar-joǵy tekserilip jatyr», - dedi vedomstvodan.
Qazirgi kezde osy qylmysqa baılanysty Qylmystyq kodekstiń 188-babynyń 4-bóligi «urlyq» boıynsha sotqa deıingi is qozǵalyp, tergeý amaldary júrgizilýde.
