Kókshetaýda 4 jastaǵy qyzdy ıt qaýyp aldy
KÓKShETAÝ. QazAqparat - Kókshetaýda saıabaqta oınap júrgen 4 jastaǵy qyzdy ıt qaýyp aldy. Bul týraly jergilikti áleýmettik jeli qoldanýshylary jazdy, dep habarlaıdy QazAqparat tilshisi.
Jeli qoldanýshylardyń sózinshe, oqıǵa saǵat 16:00 shamasynda «Novopek» AQ-nyń saıabaǵynda oryn alǵan. Ápkesimen oınap júrgen 4 jasar qyzǵa butanyń arasynan júgirip shyqqan frantsýz býldogi tarpa bas salyp, oń jaq jambasy men aıaǵynan qaýyp alǵan. Al, ıttiń ıesi zardap shekkenge kómektesýdiń ornyna kerisinshe, oqıǵa bolǵan jerden tabanyn jaltyratqan. It talaǵan qyzǵa sol mańnan ótip bara jatqan jastar kómekke kelip, jaqyn mańdaǵy emhanaǵa aparǵan.
Jeli qoldanýshylary ıt ıesiniń ıttik qylyǵyn qatań syńǵa alyp jatsa, endi biri zardap shekken qyzdyń týystaryna polıtsııaǵa aryz jazý týraly keńes berýde. Alaıda, tártip saqshylary ázirge, osy oqıǵaǵa balanysty eshqandaı málimet jarııalaǵan joq.
