Kókshetaýda 4 sarbaz aıaq astynan aýrýhanaǵa tústi
KÓKShETAÝ. KAZINFORM — Kókshetaýdaǵy 55/10 áskerı bóliminiń 4 sarbazy «pnevmonııa» dıagnozymen aýrýhanaǵa jatqyzyldy. Dárgerler naýqas sarbazdardyń jaǵdaıy týraly aıtty.
Tórt sarbazdyń úsheýi naýryzdyń 18-de Kókshetaý qalalyq kópbeıindi aýrýhanasynyń pýlmonologııa bólimshesine jatqyzylǵan.
Dárigerler naýqastardyń jaǵdaıy birqalypty dep otyr.
«Dúısenbide Kókshetaý qalasyndaǵy 55/10 áskerı bólimniń 2001, 2002 jáne 2004 jylǵy úsh sarbazy „pnevmonııa“ dıagnozymen tústi. Analızdar alynyp, qazir zerttelýde. Naýqastardyń jaǵdaıy ortasha, tolyq kólemde em alyp jatyr», — dep túsindirdi Kazinform tilshisiniń saýalyna Kókshetaý qalalyq aýrýhanasynyń baspasóz qyzmetinen.
Al bir sarbaz Q.Qurmanbaev atyndaǵy Aqmola oblystyq ftızıopýlmonologııa ortalyǵynda em alýda. Oǵan «aýrhanadan tys eki jaqty tómengi bóliktik pnevmonııa» dıagnozy qoıylǵan.
«Bizge túsken kezde bas aýrýy, dene qyzýy 40 S deıin, tereń tynys alǵanda keýde aýyrýy, tamaq aýrýy shaǵymdary boldy. Qazirgi kezde tamaq aýrýy, qurǵaq jótelge shaǵym bar. Al jalpy, jaǵdaıy aýyrlyqtaǵy ortasha deńgeıinde. Tıisti em qabyldaýda», — dep túsindirdi dárigerler.
Aıta ketsek, budan buryn Aqmola oblysynda jyl basynan beri qyzylsha juqtyrýdyń 244 deregi tirkelgenin jazǵan edik.
