Kókshetaýda 36 jastaǵy áıel balasymen birge terezeden sekirmek boldy
KÓKShETAÝ. QazAqparat – Kókshetaýda balasymen birge 5-qabattaǵy terezeden sekirmek bolǵan 36 jastaǵy áıel qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, sýıtsıd jasamaq bolǵan áıel men onyń balasynyń ómirine arasha túsý úshin qutqarýshylar úıdiń tóbesinen arqanmen túsýge májbúr bolǵan.
«Qutqarýshylar alpınıstik jaraqtyń kómegimen bildirtpeı úıdiń shatyrynan túsip, áıel men onyń balasyn qutqaryp qaldy. Kókshetaý qalalyq qutqarý bólimshesiniń basshysy Roman Shevchenko áıeldi balasymen birge ustap turǵanda onyń áriptesti Nurhan Ashımǵalıev páterdiń esigin ashty. Keıin 1984 jylǵy áıel men balasy polıtsııa jáne jedel járdem qyzmetkerlerine tapsyryldy», - deıdi Aqmola oblysy TJD bastyǵy Alekseı Sovetov.
Oqıǵa kezinde páter ishinde taǵy bir bala bolǵan. Abyroı bolǵanda, eshkim zardap shekken joq
