Kókshetaýda 34 jastaǵy er adam sýıtsıd jasamaq boldy
KÓKShETAÝ. QazAqparat – Kókshetaýda tártip saqshysy sýıtsıd jasamaq bolǵan 34 jastaǵy er adamnyń ómirine arasha tústi, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, keleńsiz jaǵdaı búgin aqpannyń 10-da saǵat 13:00 shamasynda boldy.
«Kókshetaý stansasynyń temirjol jol boıyndaǵy jaıaý júrginshiler ótetin kópirinen er adam sekirip ketti. Qasyndaǵy qyz sýıtsıd jasamaýǵa kóndirýge tyrysqanymen ol ony sózine qulaq aspaǵan. Abyroı bolǵanda er adam jerge qulamaı kópirdiń astyndaǵy poıyz vagonynyń tóbesine túsken. Ony sol mańda júrgen Kókshetaý qalalyq PB patrýldik polıtsııa batalonynyń qyzmetkeri, polıtsııa serjanty Baqdáýlet Kóshkinbaı kórip qalǵan. Ol dereý vagonnyń ústine shyǵyp er adamǵa kómektesti. Keıin ol jelilik polıtsııa bólimindegi áriptesteriniń kómegimen sýtsıd jasamaq bolǵandy er adamdy jerge túsirip, dárigerlerdiń qolyna tapsyrdy», - dedi vedomstvodan.
PD baspasóz qyzmeti atap ótkendeı, er adamnyń jasy 34-te. Soltústik Qazaqstan oblysy Aqjar aýdanynyń turǵyny. Sýıtsıd jasamaq bolǵan kezde ol mas bolǵan. Qazirgi kezde, onyń mundaı qadamǵa nelikten barǵany anyqtalý ústinde.
