Kókshetaýda 33 jastaǵy er adam úıinde kóz jumdy
KÓKShETAÝ. QazAqparat – Kókshetaýda 33 jastaǵy er adam dámhana ıesiniń qolynan kóz jumdy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, qylmys aqpannyń 25-de jergilikti dámhanalardyń birinde bolǵan. Qalalyq PB kezekshilik bólimine jedel járdem stansasynyń feldsheri habarlasyp, 1987 jylǵy er adamnyń úıinde kóz jumǵany týraly aıtqan. Er adamnyń máıitin tekserý kezinde oń jaq qabaǵy jarylyp, muryn tusynda soqqynyń izi baıqaldy.
«Jedel izdestirý sharasy kezinde tártip saqshylary er adamdy jergilikti dámhanalardyń biriniń ıesi soqqyǵa jyqqanyn anyqtady. Qazirgi kezde, osy oqıǵaǵa baılanysty QR QK 106-babynyń 3- bóligi boıynsha sotqa deıingi tergeý amaldary júrgizilýde. Sondaı-aq, tıisti saraptama taǵaıyndaldy. Kúdiktini ustaý boıynsha sharasy qolǵa alyndy», - deıdi vedomstvodan.
