Kókshetaýda 31 jastaǵy jumysshy shuńqyrǵa qulap kóz jumdy
KÓKShETAÝ. QazAqparat - Kókshetaýda 31 jastaǵy er adam jumys ornynda kóz jumdy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, 1988 jyly týǵan er adam jergilikti JShS-niń birinde syǵymdaý tsehynda slesar bolyp jumys istegen. Ol seriktestik aýmaǵyn aralap júrgende raps kúnjarasyn ótkizýge arnalǵan tereńdigi 2,5 metr shuńqyrǵa qulap ketip, sol jerde kóz jumdy.
«Qazirgi kezde osy oqıǵa qatysty QR QK 156-babynyń 3-bóligi (eńbekti qorǵaý erejesiniń buzylýy) boıynsha is qozǵalyp, sotqa deıingi tergeý amaldary júrgizilýde. Sondaı-aq, sot-medıtsınalyq saraptama taǵaıyndaldy», - deıdi vedomstvonyń baspasóz hatshysy Gúlnar Pınchýk.
