Kókshetaýda 30 adamdy aldaǵan alaıaq ustaldy
KÓKShETAÝ.QazAqparat- Kókshetaýda 30 jýyq adamǵa jer alyp beremindep alaıaqtyq jasaǵan 29 jastaǵy jergilikti turǵyn qolǵa tústi, dep habarlaıdy QazAqparat tilshisi.
5 qyrkúıekte Kókshetaý qalalyq ІІB kezekshilik bólimine 34 jastaǵy jergilikti turǵyn habarlasqan.
Zardap shegýshiniń sózine qaraǵanda, beıtanys adam oǵan jer telimin tezdetip alyp berýge kómektese alatynyn sendirip, 380 000 myń teńge aqshasyn ıemdenip ketken. Keıin belgili bolǵandaı kúdikti alǵashqy jarnany alyp, barlyq qujattardy notarıýs arqyly toltyrady. Artynsha, telefonyn óshirip, habarsyz ketedi.
«Jedel izdestirý sharasy barysynda 29 jastaǵy Kókshetaý qalasynyń turǵyny qolǵa tústi. Polıtseıler kúdiktiniń aǵymdaǵy jyldyń naýryz jáne maýsym aılary arasynda jasaǵan 9 alaıaqtyq qylmysqa qatysy baryn dáleldep otyr. Al, kúdiktiniń ózi bolsa, 30 adamdy san soqtyryp ketkenin moıynap otyr. Alaıaqtyq jolmen alǵan aqshasynyń kólemi shamamen 200 - 1 700 000 teńgeni quraıdy», dep túsindirdi ІІD baspasóz qyzmeti.
Qazirgi kezde, kúdikti ýaqytsha ustaý ortalyǵyna qamaldy. Onyń ústinen QR QK 190-baby 2 bólimi boıynsha qylmystyq is qozǵaldy.
