Kókshetaýda 3 jasar astanalyq sábı terezeden qulap, kóz jumdy
KÓKShETAÝ. QazAqparat - Kókshetaýda 3 jasar er bala turǵyn úıdiń 3-qabatynan qulap kóz jumdy, dep habarlaıdy QazAqparat tilshisi.
ІІD baspasóz qyzmetiniń deregi boıynsha, qaıǵyly oqıǵa 1 shilde kúni M.Ǵabdýllın kóshesi 61 mekenjaıynda bolǵan.
«Anasy kóz jazyp qalǵan 2015 jyly týǵan er bala kópqabatty turǵyn úıdiń 3-qabatyndaǵy páterdiń terezesinen qulap ketken. Búldirshin Aqmola oblystyq balalar aýrahanasyna jetkizilgenimen basynan jáne jambas tusynan alǵan dene jaraqatynan kóz jumdy», dep túsindirdi ІІD baspasóz qyzmetindegiler.
Sonymen qatar, polıtseıler balanyń anasymen Astanadan Kókshetaýdaǵy týystaryna qonaqqa kelgenin aıtýda. Qazirgi kezde, oqıǵanyń mán-jaıy anyqtalýda.
