Kókshetaýda 3 myńnan astam turǵyn jeke klınıkaǵa tirkeldi
KÓKShETAÝ. QazAqparat - Bıylǵy jyldyń 15 qyrkúıegi men 15 qarashasy aralyǵynda Kókshetaý qalasynda 3654 adam emhanaǵa tirkelse, onyń 3232-i - jeke klınıka «Ońaltý-Avıtsenna» medıtsınalyq mekemesin tańdap otyr. Bul týraly «Áleýmettik medıtsınalyq saqtandyrý qoryn» kommertsııalyq aktsıonerlik qoǵamy Aqmola oblystyq fılıalynyń dırektory Álııa Júsipova aıtty, dep habarlaıdy QazAqparat tilshisi.
Tirkeý naýqany barysynda Aqmola oblysy boıynsha 787 988 adam tirkeldi.
«Bıylǵy naýqanǵa alǵash ret Kókshetaý qalasyndaǵy «Ońaltý-Avıtsenna» medıtsınalyq mekemesi qatysty. Jalpy, keler jyly Aqmola oblysy boıynsha 25 medıtsınalyq uıym bastapqy medıtsınalyq-sanıtarlyq kómek kórsetetin bolady. Bıyl bul kórsetkish 24 medıtsına uıymyn qurap otyr», - deıdi Áleýmettik medıtsınalyq saqtandyrý qory Aqmola oblystyq fılıalynyń dırektory Álııa Júsipova.
Aıta ketý kerek, naýqan kezinde bastapqy medıtsınalyq – sanıtarlyq kómek alý úshin medıtsınalyq uıymdarǵa tikrelgen azamattar 2021 jyldyń 1-shi qańtarynan bastap, kómek ala bastaıdy. Ázirge, jyl sońyna deıin buryn tirkelgen oryndary boıynsha qyzmet kórsetiledi.
«Bizdiń emhana úshin bul - jańa tájirıbe. Ázirge bizde eki bólimshe bar. Onda naýqastarǵa kepildendirilgen kólem jáne mindetti áleýmettik medıtsınalyq saqtandyrý sheńberinde medıtsınalyq kómek kórsetiledi. Keleshekte terapevtik bólimshelerdiń sanyn arttyrý josparda bar», - deıdi «Ońaltý-Avıtsenna» medıtsına mekemesi ońaltý ortalyǵynyń meńgerýshisi Álıhan Evloev.
