Kókshetaýda 3-qabattyń terezesinen sekirmek bolǵan qyz qutqaryldy
KÓKShETAÝ. QazAqparat - Kókshetaýda 3-qabattyń terezesinen sekirmekshi bolǵan qyz qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, qazannyń 26-da saǵat 17:10 shamasynda Kókshetaý qalalyq tótenshe jaǵdaılar basqarmasynyń kezekshi bólimine Vasılkovka, 24 mekenjaıynda ornalasqan turǵyn úıdiń 3-qabatynan áldebir qyzdyń sekirgeli turǵany týraly telefon arqyly habarlandy.
«Oqıǵa ornyna birneshe mınýt ishinde kelgen qutqarýshylar polıtsııa qyzmetkerlerimen birge aýmaqty qorshap, avtosatynyń kómegimen qyzdy aman-esen jerge túsirdi. Sondaı-aq qyzǵa psıhologııalyq kómek kórsetildi. On yń mundaı qadamǵa ne sebepti barǵanyn tártip saqshylary anyqtap jatyr», - dedi vedomstvodan.
