Kókshetaýda 28 jastaǵy jigit anasynyń atynan kredıt alyp, sol kúni utqyzyp jibergen
Kókshetaý qalasynyń polıtsııa basqarmasyna jergilikti turǵyn shaǵymdanyp, 6 sáýirde 28 jasar uly Samsung markaly uıaly telefonyn urlap áketkenin habarlady.
Keıin gadjette ornatylǵan banktiń mobıldi qosymshasy arqyly jas jigit anasynyń atyna 1 mln 500 myń teńge somasynda onlaın-kredıt rásimdegen. Zalaldyń jalpy somasy - 1 mln 680 myń teńge.
Qaskúnemniń turǵan jerin anyqtaý úshin polıtsııa qyzmetkerleri birqatar jedel-izdestirý sharalaryn júrgizip, kúdiktini jaldamaly páterde ustady.
Zattaı dálel, atap aıtqanda «Samsung» markaly uıaly telefon tárkilendi.
Er adam oıynǵa táýeldi jáne nesıege alynǵan aqshany sol kúni utqyzyp jibergen.
Kýágerlerdiń aıtýynsha, er adam qaryzyn tóleý úshin úshinshi tulǵalardyń atynan birneshe ret nesıe alǵan.
Atalǵan fakti boıynsha QR QK 188-babynyń 2-bóligine «urlyq» sáıkes sotqa deıingi tergeý bastaldy.
