Kókshetaýda 24 jastaǵy jigit qonaqúıdi «jarmaq» boldy
KÓKShETAÝ. QazAqparat - Kókshetaýda qonaqúıdi jarmaq bolǵan kúdikti ustaldy.
Bul týraly oblystyq ІІD baspasóz qyzmetinen habarlady.
Polıtseılerdiń málimeti boıynsha, tamyzdyń 24-y kúni qalalyq ishki ister organdaryna belgisiz adam habarlasyp, «Dostyq» qonaqúıine jarylǵysh zat qoıylǵanyn aıtqan.
«Atalǵan qonaq úıge dereý jetken quqyq qorǵaý organdary men qutqarý qyzmetiniń qyzmetkerleri jáne kınologtar ıisshil ıtpen ǵımarattyń ishi- syrtyn tintip shyǵyp, jarylǵysh zatty tappady.
Keıin araǵa bir saǵat salyp, 24 jastaǵy «jalǵan terrorıst» qolǵa tústi. Ol óziniń áreketin mastyqtan osyndaı ázil jasamaq boldym túsindirdi.
Qazirgi kezde, jurtty dúrliktirgen «jalǵan terrorıst» ýaqytsha ustaý oqshaýlaǵyshyna toǵytylyp, ústinen QR QK 273 baby boıynsha qylmystyq is qozǵaldy», dep kórsetilgen habarlamada.
