Kókshetaýda 22 metrlik basty shyrshanyń shamdary jaǵyldy

KÓKShETAÝ. QazAqparat - Kókshetaýda Abylaı han alańynda ornatylǵan jańajyldyq basty shyrshanyń shamdary jaǵyldy, dep habarlaıdy QazAqparat tilshisi.

Aýa raıynyń sýyq bolýyna qaramastan, merekelik sharany tamashalaýǵa qala turǵyndary men qonaqtary kóptep jınaldy. Jınalǵandardy kele jatqan Jańa jyl merekesimen Kókshetaý qalasynyń ákimi Baýyrjan Ǵaısa quttyqtady.

Bıiktigi 22 metr shyrsha shamdary jaǵylyp, aspanǵa túrli tústi otshashý atyldy. Ádemi ánder shyrqalyp, túrli ertegi keıipkerleri bılegen tamasha keshte Aıaz Ata men Aqshaqar kórermenderge, ásirese balalarǵa jaqsy kóńil-kúı syılady. Sonymen birge, jańajyldyq shyrsha ornatylǵan Abylaı han alańyna salynǵan muz qalashyǵy da kókshetaýlyqtardyń baratyn eń súıikti ornyna aınalyp otyr.