Kókshetaýda 21 keliden astam esirtki kópshilik aldynda órteldi
KÓKShETAÝ. QazAqparat - Kókshetaý qalasynyń irgesinde bıyl tárkilengen iri kólemdegi 21 keliden astam esirtki zaty «gashısh» kópshilik aldynda órteldi, dep habarlaıdy QazAqparat tilshisi.
Aqmola oblystyq UQK departamenti baspasóz qyzmetiniń málimeti boıynsha jyl basynan beri oblys aýmaǵynda zańsyz saýdada júrgen 60 keliden astam túrli esirtki zattary tárkilengen. Ustalǵan adamdardyń qylmysy dáleldenip, uzaq jylǵa abaqtyǵa qamaldy.
Máselen, maýsym aıynda oblys aýmaǵynda júrgizilgen jedel-izdestirý sharasy barysynda iri kólemdegi esirtki saýdasymen turaqty túrde aınalysyp kelgen qylmystyq top ustaldy. Kúdiktiler esirtkiniń «gashısh» túrin elimizdiń ońtústik óńirlerinen Astana qalasy men Aqmola oblysyna saýdalaý maqsatynda jetkizgeni anyqtaldy. Olardan 21 keliden astam esirtki zaty tárkilendi. Kúdiktilerdiń barlyǵynyń qylmysqa qatysy bary áshkerlenip, qylmystyq jaýapkershilikke tartyldy.
