Kókshetaýda 200-den astam kommýnaldyq tehnıka qysqa ázirlendi
KÓKShETAÝ. QazAqparat - Kókshetaýdyń kommýnaldyq tehnıkalary qysta kóshelerdi qardan tazartýǵa daıyn, dep habarlaıdy QazAqparat tilshisi oblystyq ishki saıasat basqarmasyna silteme jasap.
Kókshetaý qalasynyń turǵyn úı-kommýnaldyq sharýashylyq bólimimen joldar men kóshelerdi qysqy kútip ustaýǵa tehnıkanyń daıyndyǵy tekserildi. Mamandar oblys ortalyǵynyń 4 kommýnaldyq kásipornynda qolda bar barlyq kólik pen qajetti ınertti materıaldar qoryn tekserip shyqty.
Qysqy kezeńde kóshelerdi tazalaý jáne kútip ustaýmen eki kásiporyn – «Zeren plıýs» jáne «Kókshe-Tazalyq» JShS aınalysady.
«Qalanyń turǵyn úı-kommýnaldyq sharýashylyq bólimi eki kommýnaldyq kásiporynmen kelisim-shart jasady, onda barlyq kósheler, ýchaskeler, keste, jaýyn-shashyn kezinde arnaıy tehnıkanyń shyǵý rejımi anyqtaldy. Eki kásiporyn boıynsha 80 astam arnaıy tehnıka – qar jáne frontaldy tıegishter, avtogreıder, samosvaldar jáne aspaly jabdyqtardyń birneshe túri qamtylǵan. Qar kóp túsken jaǵdaıda olar qosymsha arnaıy tehnıkany jalǵa alady», – deıdi Kókshetaý qalasy ákiminiń orynbasary Erbol Tóleýov.
Aıta ketý kerek, kommýnaldyq qyzmet kórsetetin uıymdarda qysqy ýaqytta joldar men trotýardy tazalaý úshin qajetti zattardyń barlyǵy bar.
Kóshedegi qardy kúreýge, jınaýǵa jáne sypyrýǵa arnalǵan mashınalardy, trotýarlardy tazalaýǵa arnalǵan traktorlardy paıdalaný josparlanýda. Merdigerler 800 tonna qum-tuz qospasyn satyp aldyp otyr.
Sondaı-aq, «Kókshetaý jylý» jáne «Kókshetaý sý arnasy» ShJQ MKK qysqy maýsymǵa arnaıy tehnıkalaryn daıyndap qoıdy. Bul kásiporyndarda 108 arnaıy tehnıka bar.
